«Կրթություն. մասնագիտական կողմնորոշում» ծրագրի շրջանակում Հիմնադրամն այս անգամ ապահովեց Շիրակի մարզի Կամոյի միջնակարգ դպրոցի ավագ դասարանի սաների այցը «Վարդենի Գյումրի», որտեղ աճում է 33 տեսակ վարդ (100.000 տնկի):
Մինչ վարդերի կախարդական աշխարհում հայտնվելը, «Վարդենի Գյումրի» ջերմոցային տնտեսության տնօրեն, գյումրեցի գործարար Ցոլակ Չադրյանը ներկայացրեց ջերմոցի սկզբնական հատվածում աճող 80 և ավելի տեսակի (15 տեսակը ցիտրուս) սենյակային բույսերի, իսկ այնուհետև՝ վարդերի աճեցման, խնամքի նրբությունները, մանրամասները:
Նա հավելեց, որ համասեփականատեր և լավ ընկեր Արտյոմ Խաչատրյանի հետ միասին են անցել և անցնում այս երկար ճանապարհը՝ զարգացնելով այս հրաշալի նախաձեռնությունը:
Հիդրոպոնիկ համակարգով արդեն իսկ 6 տարի գործող և տարին 12 ամիս ծաղկող վարդերի մեծ ջերմոցը, եռանդով և մեծ նվիրումով աշխատող աշխատակիցները, գյումրեցուն վայել հյուրընկալությունն ու ջերմությունը, իրոք, տպավորեցին բոլորին:
Վերջում մեզ սպասվում էր ևս մեկ անակնկալ՝ նախ օգտվեցինք ջերմոցում աճող բարիքներից, նվեր ստացանք անուշաբույր վարդեր և ծանոթացանք ջերմոցային տնտեսությանը զուգահեռ «Վարդենի Գյումրի»-ում 100% բնական հումքից պատրաստվող օճառների և մաշկի խնամքի այլ միջոցների տեսականուն:
Մեր տեղական արտադրողներին, տնտեսվարողներին մաղթում ենք ուժ ու կորով՝ առկա բոլոր խոչընդոտները հաղթահարելու և միջազգային շուկաներում արժանի տեղեր զբաղեցնելու համար:
Հիշեցնենք, որ Ծրագիրն իրականացվում է ՀՀ աշխատանքի և սոցիալական հարցերի նախարարությունՄասնագիտական կողմնորոշման մեթոդական կենտրոն -ի հետ համագործակցությամբ:
