Հայաստանի պատմության թանգարան/History Museum of Armenia -ն հյուրընկալեց Հիմնադրամի շահառու արցախահայ երեխաներին և նրանց ուղեկցողներին, ովքեր հետաքրքիր և ուսուցողական ժամանակ անցկացրին թանգարանում։
Նրանք մասնակցեցին «Ամանորը Հայաստանի պատմության թանգարանում» խորագրով կրթական ծրագրին, որի շրջանակում ունեցան ճանաչողական շրջայց թանգարանի ցուցասրահներում:
Ներկաներին մանրամասն ներկայացվեցին պալեոլիթյան, նեոլիթյան, բրոնզեդարյան և վաղ երկաթի շրջափուլերին վերաբերող գտածոները, ուրարտական և միջնադարյան բացառիկ հավաքածուները:
Շրջայցի ավարտին երեխաները պատրաստեցին իրենց ամանորյա խորհրդանշական խաղալիքները՝ թանգարանի ցուցանմուշների պատկերներով և զարդամոտիվներով, որոնք, վստահ ենք, իրենց տեղը կգտնեն տոնածառի ճյուղերին:
Նշենք, որ կրթական ծրագիրն ամբողջությամբ անցկացվեց Արցախի բարբառով։
Շնորհակալ ենք ջերմ հյուրընկալության համար:
